കവിതകള്ക്ക്
എങ്ങനെയും തുടക്കമാകാമെന്ന്
തിരകളളന്നപ്പോള് നമ്മള് തര്ക്കിച്ചവശരായതാണ്.
ഇനിയുമെന്തേ പൂക്കള്ക്ക് നാണം ചുവന്നില്ലെയെന്നും
ഇനിയുമെന്തേ കണ്തടങ്ങളില് നിലാമഷി മറിഞ്ഞുവീണില്ലെയെന്നും
ആദ്യവരികളെ ചുംബിച്ച് തുടങ്ങാമെന്ന്
പറഞ്ഞവളെ ......
രാവു മുഴുവന് ചിണുങ്ങി പനിപിടിച്ച എന്റെ കവിത, തിരകളില്ലാനഗരിയില്
തലപ്പാവില് പവിഴം തൂക്കിയ മുഗളന്റെ
തേരോടിയ വഴിയിലൂടെ
തീ കുടിക്കാന് പോകുന്നു.
